चर्चित हास्यव्यङ्ग्य कलाकार मनोज गजुरेलद्वारा एसएलसी उत्तीर्ण विद्यार्थी सम्मानीत
सिरु बौद्धिक समाज, सिरुटार, भक्तपुरले सिरुटार गाविसभित्र स्थायी बसोबास गरी २०६५ सालको एसएलसी परीक्षामा उत्तीर्ण भएका भाइबहिनीहरूलाई सम्मान गर्यो । वरिष्ठ हास्यव्यङ्ग्य कलाकार मनोज गजुरेलको प्रमुख आतिथ्यमा स्थानीय सिरुटार गाविस भवनमा आयोजित एसएलसी सम्मान कार्यक्रममा स्थानीय ५० जना विद्यार्थीहरूलाई शुभकामना एवम् बधाई ज्ञापन गर्दै सम्मानपत्र, मायाको चिनो र उत्कृष्ट तीन विद्यार्थी भाइबहिनीहरूलाई पुरस्कार सहित सम्मान गर्नु भयो । ८८.३८ प्रतिशत ल्याउने संजीव राजथला सिरुटार गाविसका उत्कृष्ट विद्यार्थी घोषित भए भने ८६.६३ प्रतिशत ल्याउने अलिशा मिश्र छात्रातर्फको उत्कृष्ट विद्यार्थी घोषित भएकी थिइन । ८६ प्रतिशत ल्याउने सल्मा राउत सहित ६ जनाले विशिष्ट श्रेणी, ३९ जनाले प्रथम श्रेणी र ५ जनाले दोस्रो श्रेणी प्राप्त उत्तीर्ण भएका थिए । समाजका अध्यक्ष लक्ष्मणराज विष्टको सभापतित्वमा सम्पन्न कार्यक्रममा सिरुटार इङ्गलिस स्कूलका स-साना नानीहरूबाट राष्ट्रिय गानबाट शुभारम्भ भएको थियो । समाजका सल्लाहकार विष्णुकाजी थापाले समाजको साधारण परिचय र स्वागत मन्तव्य दिएका थिए । स्नातकतह पास गरेका युवाहरूलाई समेटेर २०५