सिरु बौद्धिक समाज, सिरुटार, भक्तपुर ।

त्रिभुवन विश्वविद्यालय मानविकी सङ्कायतर्फ प्रमाणपत्र तहमा यस वर्ष सर्वोत्कृष्ट स्थान हासिल गर्ने दृष्टिविहीन छात्रा सृष्टि केसीलाई शनिबार सम्मान गरिएको छ । भक्तपुर सिरुटार-५ निवासी केसीलाई आज सिरु बौद्धिक समाज, भक्तपुरले सिरुटारमा आयोजित कार्यक्रममा सम्मान गरेको हो । कार्यक्रममा उपप्राध्यापक कुमार थापाले दोसल्ला ओढाएर कदरपत्र प्रदान गर्दै उहाँलाई सम्मान गर्नुभयो । राष्ट्रपति डा. रामवरण यादवद्वारा यस वर्षको राष्ट्रिय शिक्षा विभूषणबाट सम्मानित दृष्टिविहीन केसी सवलाङ्गका लागि समेत अभिप्रेरणाका विन्दु बनेको थापाले बताउनुभयो । समाजका अध्यक्ष लक्ष्मणराज विष्टको सभापतित्वमा कार्यक्रम सम्पन्न भएको थियो ।

२०६६ सालमा प्रवेशिका परिक्षा दिएर उत्तीर्ण भएका सिरुटारका स्थानीय विद्यार्थीहरुलाई आज एक कार्यक्रमको आयोजना गरि सम्मान गरिएको छ । यस सिरु बौध्दिक समाजले बिगत वर्षहरुमा जस्तै यस वर्ष पनि सम्मान तथा पुरस्कार वितरण कार्यक्रम आयोजना गरी विद्यार्थीहरुलाई बधाई ज्ञापन गरेको हो । स्थानीय विकास मन्त्री रविन्द्र श्रेष्ठको प्रमुख आतिथ्यमा सम्पन्न कार्यक्रममा हालै राजनीति शास्त्रमा पीएचडी गर्नुभएका स्थानीय डा.देवनारायण कार्कीलाई पनि सम्मान गरिएको थियो । डा.कार्की सिरु बौध्दिक समाजका उपाध्यक्ष हुनुहुन्छ ।

सिरूटार गाविस भित्रका बौद्धिक समूहको परिचालनद्वारा गाउँ, समाज र राष्ट्रको विकास निर्माणको कार्यमा सहयोग पुर्‍याउने सामाजिक संस्था हो सिरू बौद्धिक समाज । गाविसभित्रका बौद्धिक जमातलाई एकत्रित गरी उनीहरूको शैक्षिक तथा बौद्धिक विकासमा सहयोगी भूमिका निर्वाह गर्नु यस संस्थाको मूल लक्ष्य र उद्देश्य हो । र्सवप्रथम २०५२ साल चैत्र ३ गते सिरूटारस्थित तत्कालीन ब्राइट फ्युचर इङ्गलिस स्कूलमा सिरूटार गाविस भित्रका शिक्षितवर्गको भेला गरियो । उक्त भेलामा बौद्धिक समाज गठन, यसका भावि उद्देश्यहरू जस्ता विविध विषयहरूमा छलफल गरियो । उक्त छलफलबाट यस क्षेत्रको सामााजिक विकासको लागि एक तटष्थ, गैर राजनैतिक तथा विशुद्ध सामाजिक संस्था गठन हुनु अत्यावश्यक भएको कुरामा र्सवसम्मत निर्णय भयो । जस अनुरूप सोही महिनाको १० गते बसेको बैठकले 'सिरू बौद्धिक समाज' नामक सामाजिक संस्था गठन गर्ने निर्णय गर्‍यो । जुन भेलाको उद्देश्य सिरूटार क्षेत्रका स्नातकहरूलाई शैक्षिक, बौद्धिक र सामाजिक क्षेत्रमा निरन्तर रूपमा संलग्न गर्राई सो को प्रतिफल सिरूटार र समग्र राष्ट्रले नै प्राप्त गर्न सकोस् भन्ने थियो । सिरु बौद्धिक समाज नाम